Saturday , July 2 2022
Breaking News
Home / समाचार / सुनामीमा हराएकी आफ्नी श्रीमतीलाई विगत १० वर्षदेखि समुद्रभित्र खोजिरहेका छन यी श्रीमानले ….

सुनामीमा हराएकी आफ्नी श्रीमतीलाई विगत १० वर्षदेखि समुद्रभित्र खोजिरहेका छन यी श्रीमानले ….

१० वर्षअघि सुनामीमा हराएकी श्रीमतीको खोजीमा एक व्यक्तिले १० वर्षदेखि अहिलेसम्म पनि समुद्रको गहिराइमा डुबुल्की मारिरहेका छन् । जापानका यासुओ ताकामात्सुकी पत्नी युको १० वर्षअघि २०११ मा आएको सुनामीमा परेर बे,पत्ता भएकी थिइन् ।

यासुतोले आफ्नी श्रीमतीलाई खोज्नको लागि अण्डरवाटर डाइभिङको लाइसेन्स पनि लिइसकेका छन् । उनले विगत ७ वर्षदेखि एक्लै अण्डरवाटर डाइभिङ गरिरहेका छन् । उनलाई आफ्नी पत्नीसँग सम्बन्धित कुनै पनि चीज भेटिने आशा छ ।

जापानमा सुनामीमा करिब २५ सय मानिस बे,पत्ता भएका थिए । त्यसैले जापान सरकारले विगत केही वर्षदेखि अण्डरवाटर सर्च अभियान चलाइरहेको छ ।

यासुओले निजी रुपमा अण्डरवाटर डाइभिङ त गर्छन् नै साथमा उनी स्थानीय प्रशासनसँग हरेक महिना सम्पर्क गरेपछि उनीहरुसँग पनि संर्च अभियानको लागि सहभागी हुन्छन् ।

अहिलेसम्म यासुओले पानीभित्र कपडा, एल्बम लगायतका कैयौं चीजहरु भेटिसकेका छन् तर यी सबै अन्य व्यक्तिहरुका हुन् । अहिलेसम्म उनले आफ्नी पत्नीसँग सम्बन्धित कुनै चीज भेट्न सकेका छैनन् ।

जापानमा २०११ मा ७०० किलोमिटर प्रतिघण्टाको गतिमा १३३ फिट अग्लो सुनामीका लाहर जापानको उत्तर पूर्वी क्षेत्रमा आएका थिए । यो सुनामीले फुकुसिमा आणविक प्लान्टलाई पनि क्षतिग्रस्त बनाएको थियो । यसलाई युक्रेनको चेनरोबिलपछि सबैभन्दा ठूलो न्यूक्लियर विनाश मानिन्छ । यो सुनामीमा १५ हजार जना मा,रिएका थिए । करिब २ लाख ३० हजार नागरिकले घर छाड्नुपरेको थियो।

द सनका अनुसार यो सुनामी आउँदा यासुओ पत्नीका विषयमा चिन्तित थिएनन् किनकि उनकी पत्नीले काम गर्ने ठाउँ पहाडको पछाडि थियो । तर, सुनामीको तीब्रता बढेपछि उनले काम गर्ने बैंकका पनि कैयौं कर्मचारी डुबेका थिए जसमध्ये यासुओकी पत्नी पनि थिइन् ।

यासुओकी पत्नीको शरीर अझै बेपत्ता छ । यासुओले आफ्नो जीवन पत्नीको खोजीमा लगाइसकेका छन् ।यासुओका अनुसार उनकी पत्नीले अन्तिम म्यासेजमा आफू बैंकको कामले थाकेको र घर आउन चाहेको बताएकी थिइन् । यही कारण यासुओलाई अझै पनि उनकी पत्नी घर फर्किन चाहन्छिन् भन्ने लाग्छ र उनले पत्नीको खोजी गरिरहेका छन्।

About admin

Check Also

पतिसँग पहिलो पटक सार्वजनिक कार्यक्रममा देखिएकी इन्दिरालाई पत्रकारले बच्चाबारे प्रश्न गर्दा दिइन् यति रमाइलो पाराले उत्तर

काठमाडौं । चर्चित गायिका इन्दिरा जोशीले ‘पछ्यौरी’ बोलको गीत सार्वजनिक गरेकी छन् । केही हप्ता …

Leave a Reply

Your email address will not be published.