Saturday , May 28 2022
Breaking News
Home / मनोरंजन / तिमीलाई मेरो आफ्नो बन्न’ बोलको गीतमा नायक पुष्प खड्कासंग रोमान्स गर्दै मोडल जिसु

तिमीलाई मेरो आफ्नो बन्न’ बोलको गीतमा नायक पुष्प खड्कासंग रोमान्स गर्दै मोडल जिसु

मोडल जिशु कोइरालाले नयाँ म्युजिक भिडियो सार्वजनिक गर्नुभएको छ । ‘तिमीलाई मेरो आफ्नो बन्न’ बोलको यस गीतमा गायक सूर्य काश्यपको स्वर सुन्न सकिन्छ । सुजन कँडेलको शब्द रहेको यस गीतमा रामकुमार रिमालको सङ्गीत रहेको छ । नारायण दङ्गालले यस गीतलाई सङ्गीत संयोजन गर्नुभएको हो । प्रेमिल शैलीको गीतमा नायक पुष्प खड्का र मोडल कोइरालाले अभिनय गर्नुभएको छ ।

श्रेष्ठ प्रोडक्सनले निर्माण गरेको भिडियोमा अनिल के मानन्धरको छायाङ्कन रहेको छ । मिलन विश्वकर्माले सम्पादन गर्नुभएको भिडियो मौसम हिमालीको निर्देशनमा तयार पारिएको हो । भिडियो कोइरालाको अफिसिएल च्यानलमार्फत सार्वजनिक गरिएको जनाइएको छ ।

तिमि बाहेक कोहि छैन भनेर बिवाह गरे, घर जाँदा त ३ श्रीमती र तिनका छोराछोरी रहेछन्
एक वर्षदेखि सम्पर्कविहीन भएका नेपाली श्रीमान् खोज्दै भारतको चेन्नैदेखि एक भारतीय महिला दुई छोरीसहित बागलुङ आउनुभएको छ । सन् २००२ मा बागलुङ जिल्लाको जैमिनी नगरपालिका कुश्मिसेरा–१ टाहरास्थित प्रकाश शर्मासँग भारतमा विवाह गर्नुभएको भारतीय नाम भानमोझी (नेपाली नाम मीना शर्मा) अहिले श्रीमान्को खोजी र न्यायको लागि बागलुङ आउनुभएको छ ।

भारतमा झुक्काएर विवाह गरेपछि भानमोझीले दुई छोरी गङ्गालक्ष्मी शर्मा र ऐश्वर्य शर्मालाई जन्म दिनुभएको छ । अहिले जेठी छोरी १८ वर्ष र कान्छी छोरी १७ वर्षको भइसक्नुभएको छ । उहाँसँग न त विवाह गरेको प्रमाणपत्र नै छ, न त नेपाली नागरिकताको प्रमाण पत्र नै । प्रहरी र प्रशासनको सहयोगमा दुई छोरीको जन्मदर्ता र जेठी छोरीको नागरिकता बनाए पनि भानमोझीसँग विवाह दर्ता र श्रीमान्को नाममा नागरिकता पाउनुभएको छैन ।

“श्रीमान्ले म अनाथ हो, भारतमा व्यवसाय छ भनेर मलाई झुक्काएर सन् २००२ मै भारतको चेन्नैमा विवाह गरेको थियो, त्यपछि उसले आफ्नो ठाउँ–ठाउँमा व्यवसाय गर्ने भन्दै आउँदै फर्कंदै गर्ने गरेको पाइयो”, श्रीमती भानमोझीले भन्नुभयो, “पछि बुझ्दै जाँदा त आफू बाहेक अन्य तीन जनासँग समेत विवाह गरिसकेको पत्ता लाग्यो, हामी यसअघि पनि उसको घर कुश्मिशेरामा आयौं, श्रीमान्को बाबु आमाले उसलाई लुकाए, हामीलाई निकै दुःख दिएपछि पुनः भारत फर्केका थियौं” ।

अहिले एक वर्षदेखि उहाँ सम्पर्कमा हुनुहुन्न, दुई छोरी र श्रीमान्को साइली श्रीमतीकी छोरा समेत पाल्दै आएको छु, मेरो जिन्दगी त वर्वाद भयो, तर मेरो दुई छोरी र अर्की श्रीमतीको छोरालाई जन्मदर्ता र नागरिकता दिलाउनु छ, न्यायको ल’डाइँका लागि होटलमा काम गर्दै ल’डि’रहेको छु, उहाँले भन्नुभयो । श्रीमान्ले झुटो बोल्दै विवाह गर्दै छोराछोरी पाउँदै हिँडेको उहाँले बताउनुभयो । उहाँले छोरीलाई पाल्न निकै समस्या भएको भन्दै छोरीहरुको राम्रो पढाइ भए पनि अहिले होटलमा काम गरेर गुजारा चलाउदै आएको बताउनुभयो ।

छोरी ऐश्वर्य शर्माले बाबाकै कारण पढाइबाट वञ्चित भएको जानकरी दिनुभयो । “बाबाले मम्मीलाई निकै दुःख दिनुभयो, अहिले एक व्यक्तिका कारण हाम्रो परिवार नै त’हसन’हस भएको छ”, छोरी ऐश्वर्य शर्माले भन्नुभयो, “बाबाले आमा बाहेक अन्य तीन स्थानमा विवाह गरेको पत्ता लगाइयो, बागलुङमा हजुरबुबा पद्मनाथ शर्मालेसमेत हामलिाई यहाँ बस्न दिनुहुन्न, काम गरेर खानसमेत दिनुहुन्न, दिदी गङ्गालक्ष्मी शर्माले भारतमा ११ कक्षामा विज्ञान विषय लिएर अध्ययन गदागर्दै छोडेर अहिले बागलुङको एक होटलमा काम गर्नुहुन्छ, दिदीको डाक्टर बन्ने सपना थियो ।”

प्रकाश शर्माले भारतमा नै आफू बाहेक एक जनासँग विवाह गरेको र पुनः नेपालमा आएर सोममाया रेश्मी शर्मासँग विवाह गर्नुभएको विवाह दर्ता छ । पछि एक छोरा नन्दिश शर्मालाई जन्मदिएपछि उसलाई समेत छोडेको र अहिले भानमोझीले नै नन्दिश शर्मालाई पालनपोषण गर्दै आउनुभएको छ । नन्दिश अहिले ६ वर्षका छन् । दुई महिलासँग विवाह गरिसकेका प्रकाशको २०७३ साल जेठ २० गते तत्कालीन कुशिसेरा गाउँ विकास समितिको कार्यालयले सोममाया रेश्मी शर्मासँग सामाजिक परम्पराअन्तर्गत विवाह गरेको भन्दै विवाह दर्ता गरिदिएको छ ।

तर प्रकाशले अहिले पुनः नेपालमा अर्को विवाह गरेर छोरा जन्माउनुभएको छ । भानमोझीसँग प्रकाशले जन्माएको जेठी छोरी गङ्गालक्ष्मी शर्मालाई भने जिल्ला प्रशासन कार्यालयले २०७७ सालमा प्रकाशकै नामबाट नागरिकता दिएको छ । प्रकाशले पुनः अर्को विवाह गरी छोरा जन्माएको भानमोझीको भनाइ छ । अहिले आफ्नो, कान्छी छोरीको नागरिकता र आफूसँगै रहेको श्रीमान्को साइली श्रीमतीको छोराको जन्मदर्ताको लागि ल’डिरहेको उहाँले बताउनुभयो । एक वर्षदेखि बागलुङको एक होटलमा काम गरेर उक्त परिवारले जीविका चलाउँदै आउनुभएको छ ।

About admin

Check Also

यसै त गर्मी, त्यसमाथि नम्रता मल्लको फोटोसुट !

काठमाडौं । खेसरीलाल यादवकी नायिका नम्रता मल्ल अहिले इन्टरनेटमा निकै चर्चामा आएकी छिन् । ‘दो …

Leave a Reply

Your email address will not be published.